Мяа байна аа

Мяагийн мяагийн мяа байна. Толгой тархи өвдөөд бие тэнхээ нэг л хүнд, хөшингөтөө л, цаанаа нэг л зовиуртай. Явах суухаа мэдэхгүй болсон мэт л санагдаж байна. Магадгүй ядарсан юм болов уу...
Тэхдээ л би хийх ёстой гэсэн бодолтойгоор тохиолдол бүрийг алдахгүйгээр цаашаа явахыг хүсэн цаг хугацаа бүрийг ашигтайгаар өнгөрөөнө гээд, хүнд ямар нэг дэл сул зүйл ч гэсэн илүүдэхгүй гэж тунгаасан ч өөрийгөө чамласаар байна.
Тэгсэн мөртөө, тэгтлээ ихээр бас оролдохгүй байгаа юм шиг санагдах юм. Өөрөөс зарим нэг талаар илүү байгаа нэгнийг хараад би ч гэсэн үүнээс ч илүү байж чадна хэмээн зоригжуулан цааш алхах нь өөртөө жаахан ч гэсэн урам өгч байгаагийн илрэл болдог гэдэгт итгэж байна.
Зүгээр суулгүй ямар нэг зүйл хийх л ёстой юм шиг, хөдөлж л байвал санаа амар болохым. Толгой өвдөж байна, зовиуртай байна, яах вэ?

Гэрлийн бүрхүүл

Бүрэг бүхний төгсгөл, энд
Бүрэнхийгээс ирсэн, эхэнд
Хүр хорхойн мөрөөдөл
Хүрэхийг хүссэн мөрөөдөл
Хар биш цагаанруу
Харанхуй биш гэрэлрүү л
Нүдээ анивчих бүрт харанхуй
Нээж байгаад тийшээ

Амьдралын хүрд нь энэ
Хүрд эргэнэ, амьдрал
Эхэнд нь үхэл, жаргал
Хүрд эргэнэ, амьдрал
Эцэст нь үхэл, жаргал

Дүнзэн байшингийн үүдэнд
Дэнгийн адил хүрэн, нүдэнд
Дээврээс дүүжилсэн бүрхүүл
Жирийн л харагдах гэрэл
Тойрон эргэлдэнэ, эрвээхэй
Төөрч явсан, эрвээхэй
Мөрөөдлөө олсон, үхэл
Мөрөөдлөө олсон, жаргал

Амьдралын хүрд нь энэ
Хүрд эргэнэ, амьдрал
Эхэнд нь үхэл, жаргал
Хүрд эргэнэ, амьдрал
Эцэст нь үхэл, жаргал
2008/06/30 00:19

Э э Ээ Э э Ээ ЭЭ ээ

Толгой эргээ л
Доороо эргээ л
Тоймгүй удаан
Доороо эргээ л

Улаан байсан
Цагаан байсан
Уй байсан
Цагаан болсон

Хаана байна
Яарч байна
Худлаа байна
Яаамаар байна

Тоогүй олон
Тойрч эргээ л
Хээгүй олон
Хуйрч гүйгээ л

Ямар байсан
Яамаар байсан
Ялгаагүй байсан
Я-гүй болсон

Ээ ээ байна
Ай ай байна
Юу юу вэ
Юу нь юу вэ

яаая, толгой задарлаа, толгой задарлаа...

Нусан голоос цэрэн далай руу

Нусан голын эргээс цэрэн далайн гүнрүү сэлүүрдэн яваа өвгөний дүр зураг бодолд дүрс хийн буув. Сэлүүр модны нэг нь аль хэдийн ялзран хаягдсан нь өвгөний аль ч далайд тохиолдож байгаагүй новшийн хэрэг байв. Ганц дайчин ганцаардахгүй гэдгийн адилаар үлдсэн ганц сэлүүрээ аажуу уужуу жайвалзуулан лаг нусан голоос цэрэн далайруу нэг миллиметр ч гэсэн ойртохын тулд хамаг хүч чадлаа барж байгаа нь энэ юм. Энэ тамтай зүйл хэзээ нэг дуусахыг өвгөн үл мэднэ, гэсэн ч сэлүүрдсээр л.
Үүнээс гадна амьсгаа авахаас эхлээд, бүүр өөрийгөө үнэртэхээс дур гутах шиг болж байхуйц сэтгэгдэл үе үе төрөх нь амьдаараа үхдэл болсон мэт. Өдөржин наранд цохиулан мансуурсны дараа нүдэнд нь халсан нусны ууршилт зэрэглээн дунд явсан...

Өнөө өдөр

Метроны хаалгаар жихэн орж байгаа хүнийг харлаа. Тэхдээ тэр ганцаараа жихэж байгаа нэгэн. Учир нь тэр хаалга хаагддагийн даваан дээр ирсэн нь энэ. Бас яагаад ч юм тэр өнөөдөр бас ажилдаа явах гэж байгаад гэнэт халтираад метронд суухаар шийдсэн. Хаха энэ нэг киноны хэсгээс тэгээд цаашаа үзэж байна одоо. Юу гэдгийг нь мэдэх байх оо. Харамсалтай нь гүйцээж үзэж чадкуу юмшиг байна. Азаар амралтын өдөр, сэрүүхэн ч өдөр, гарч улаа эргүүлэхээр шийдлээ, энэ сайхан хэрэг.

Эмээгийн дурлал

i don't wanna be your friend
I just wanna be your lover

Нар ...

Усны долгионд гэрэл хугараад
Ойсон хугачааны гялбаа
Хагархай шилэнд дуу оруулаад
Орой дээрээс илчит наран

Сүүдэр дайраагүй, сар туяарсан
Сүүдэр дайраагүй, нар мандсан
Нар мандаагүй, сар туяарсан
Сар туяараагүй, нар мандсан

Уулын оргилд сүүлчийн гэгээ
Улааран замхрах эцсийн тасалдал
Эмтэрхийгээр тусах эхний тусгал
Эргэх ертөнцийн эхний өнгө