Хэрвээ чи

Хэрвээ чи, хэрвээ чи
Хэдхэн хоногийн настай бол
Хамгийн эхэнд юуг хийх вэ?

Үнэр

Хуучин цонх, тагтан дээрээс харахад, хэний ч юм нэртэй гудмаар алхан явахад, холхи газрын бүх л чимээ сонсогдоно. Эдгээр хэсэг газраар сайрхан холхиход бүх л зүйлээс өөрийнх нь гэсэн янзан бүрийн үнэр ханхална. Хаврын үнэр, зуны үнэр, намрын үнэр, өвлийн үнэр бүгдээс их л сайхан мэдрэмж мэдрэгдэнэ.
Хавар гудмаар алхан явахад нэг л нойтон, уйтай үнэр. Бороо, цас нартай холилдон орох үед үнэртээд л баймаар.

Зун өглөө эртлэн босоод, цонхоо онгойлгоход, шувуудын жиргээ сонсогдоно. Түүний хажуугаар мэдээж нөгөө үнэр, цэнгэг агаар, нэг л нам жим амьсгалахад уужим сэтгэгдэл төрнө. Амьсгалаад зогсоод л баймаар сайхан үнэр. Хур бороо орох үед нэвширтлээ норон, ус туучаад, хашгичаад хамаг хурдаараа гүйх үнэхээр гоё. Эсвэл хүсч, хүсч авсан шүхэрээ аваад, цуваа өмсөөд алхаад л баймаар, алхаад л баймаар. Орой болно, орой харин зуны шөнийн үнэр үнэртэнэ, нэг л гоё ногоон үнэр.

Намрын өдөр нозоорон салхинд гарна. Навчис унана. Хүмүүсийн амьсгалах чимээ нэг л ганцаардмал, царай бас хөдөлгөөн бүр нь аажуухан удаан, үргэлжлээд л байхаар юм шиг.

Өвөл боллоо. Өнөөдөр өвлийн нэгэн өдөр. Хүмүүсийг ажил эсвэл хичээлээсээ тарах үед жавар тэднийг гарч ирэхийг хүлээнэ. Тэд дулаацахыг хүсдэг байх...
Энэ үед дулаан хувцсаа өмсөөд ямар нэгэн зорисон газарлуугаа тайван гэгч нь алхахыг хичээнэ. Ороолт, малгай хоёроор сайтар зэвсэглэсэн тохиолдолд нүүр даарна л гэж байхгүй. Ингээд зорисон газраа ирэхэд хацрын дээд хэсэг, нүд хавицаа жижигхээн улаа бутарсан харагдана. Гоё ч юм шиг.
Өвлийн эд хүйтнээр хувцас эсвэл цагаан хэрэглэл гээд л ямар нэгэн зүйлсийг угаагаад гадаа хэцэн дээр тавиад болсон гэж үзсэний дараагаар оруулж ирэхэд тэндээс жинхэнэ өвөл ханхална. Өөр бас жижигхээн зугаалган дээр моддын доор түүдэг асаан суухад гарах үнэрийг мартаж бололхгүй.

Жаахан амьсгалсан ч гэсэн дээрх бүх үнэрийг би лав үргэлж үнэртэхийг хүсдэг.

Зүгээр л

Гарт баригдах зүйлгүй, хацарт нулимс тогтохгүй
Нүдэнд торох зүйлгүй, нүхэнд багтах зайгүй
Газарт оршихгүй, тэнгэрт байхгүй
Зүүдэнд хэн ч ирэхгүй, зүгээр л хоосон оргих шиг

Харисан хүн хоолтой хоцордог

Хар багын явдал
Харисан хүн
Хоолтой хоцордог нь
Хууль болсон
Цаг гэмээр

Хэний хүү
Хүний хүү, бүгд л адил
Хоолны төлөө
Хүн бүрийн тэмцэл
Болсон гэмээр

Хоёр нохой яс булаацалдах шиг
Хүний хүү хоол булаацалдана
Хоёр нохойноос илүүтэйгүүр
Хар санан хоосрон үлдэх мэт

Жагсаалтын дагуу

Сэрүүлгэний дуугаар
Шөнийн зүүдний хаалгыг
Хаян гарч ирээд
Хоёрын хүрдний тухай
Хоёр хоёрын зургаан хариутай
Сүрлэн байшиндаа сэрмээр
Хуучин дүрс хорогдсон
Толинд сүүдрээ харан
Салтганаж байгаад
Савж арагшаа унамаар
Сандлан дээрээсээ
Салбайж унтлаа инээмээр
Хийх юмгүй чамтай,
Хэнтэй ч юм тэнэмээр, дэмийрмээр
Хоёр талаас гүйж ирээд
Хоорондоо мөргөлдөж тоглох уу
Шүдэнз босгож тавиад
Ширээнээс үсэрч суух уу
Хажуугаар явсантай нь
Хар яр хиймээр
Шалтаг гарган хэнтэй
Хамаагүй хага хэрэлдмээр
Харин чамайг тэнэгтэхээр
Хагарч унтлаа, хашгирмаар
2008/02/23 17:51
:Сүүлд засвар оруулсан

Мяа байна аа

Мяагийн мяагийн мяа байна. Толгой тархи өвдөөд бие тэнхээ нэг л хүнд, хөшингөтөө л, цаанаа нэг л зовиуртай. Явах суухаа мэдэхгүй болсон мэт л санагдаж байна. Магадгүй ядарсан юм болов уу...
Тэхдээ л би хийх ёстой гэсэн бодолтойгоор тохиолдол бүрийг алдахгүйгээр цаашаа явахыг хүсэн цаг хугацаа бүрийг ашигтайгаар өнгөрөөнө гээд, хүнд ямар нэг дэл сул зүйл ч гэсэн илүүдэхгүй гэж тунгаасан ч өөрийгөө чамласаар байна.
Тэгсэн мөртөө, тэгтлээ ихээр бас оролдохгүй байгаа юм шиг санагдах юм. Өөрөөс зарим нэг талаар илүү байгаа нэгнийг хараад би ч гэсэн үүнээс ч илүү байж чадна хэмээн зоригжуулан цааш алхах нь өөртөө жаахан ч гэсэн урам өгч байгаагийн илрэл болдог гэдэгт итгэж байна.
Зүгээр суулгүй ямар нэг зүйл хийх л ёстой юм шиг, хөдөлж л байвал санаа амар болохым. Толгой өвдөж байна, зовиуртай байна, яах вэ?

Гэрлийн бүрхүүл

Бүрэг бүхний төгсгөл, энд
Бүрэнхийгээс ирсэн, эхэнд
Хүр хорхойн мөрөөдөл
Хүрэхийг хүссэн мөрөөдөл
Хар биш цагаанруу
Харанхуй биш гэрэлрүү л
Нүдээ анивчих бүрт харанхуй
Нээж байгаад тийшээ

Амьдралын хүрд нь энэ
Хүрд эргэнэ, амьдрал
Эхэнд нь үхэл, жаргал
Хүрд эргэнэ, амьдрал
Эцэст нь үхэл, жаргал

Дүнзэн байшингийн үүдэнд
Дэнгийн адил хүрэн, нүдэнд
Дээврээс дүүжилсэн бүрхүүл
Жирийн л харагдах гэрэл
Тойрон эргэлдэнэ, эрвээхэй
Төөрч явсан, эрвээхэй
Мөрөөдлөө олсон, үхэл
Мөрөөдлөө олсон, жаргал

Амьдралын хүрд нь энэ
Хүрд эргэнэ, амьдрал
Эхэнд нь үхэл, жаргал
Хүрд эргэнэ, амьдрал
Эцэст нь үхэл, жаргал
2008/06/30 00:19